Qırımtatar tili. Ögretici kitap / Кримськотатарська мова. Самовчитель

Bu derslik qırımtatar tilini em ana tili, em de çetel tili olaraq başlanğıç (‘sıfır') seviyeden B1 (‘Sıñır') seviyesine qadar ögrenmek içün ayırıp yazılğan. Derslikniñ malümatını menimserek, talebe qırımtatarca laf ete, oquy, yaza ve ‘Tanışuv', ‘Tışqı qıyafet', ‘Tabiat', ‘Qoranta', ‘Begengen şeylerim', ‘Oquv', ‘Raatlanuv' kibi ve dig. qonuşuv mevzuları çerçivesinde diñlegenini añlay bile. Malümat qonuşuv ve bilgi elde etüv yanaşuvları esasında berile ve 37 derske bölüne.

Derslikniñ mündericesi talebelerni aliy oquv yurtlarınıñ azırlav bölükleri içün Oquv programmasına esaslanıp ve D. Mazurık tarafından azırlanğan ‘Ecnebiyler içün ukrain tili. Adım-adım' dersliginen keliştirip, em de tercime vastasınen (demek luğatnı artıq qullanmağa vaqıt ayırmay) işniñ tezleştirmesini közde tutıp tertip etilgen.